काठमाडौं, २० कात्तिक । साताको अन्तिम कारोबार दिन शुक्रबार प्रि–ओपन सेसनमा नेप्से परिसूचक २.३५ अंकले घटेर बन्द भएको छ।
.gif)
अघिल्लो कारोबार दिन बिहीबार १२.९५ अंक घटेर २६५२.५८ विन्दुमा बन्द भएको नेप्से यस दिन प्रि–ओपन सेसनमा थप घटेर २६५०.२३ विन्दुमा झरेको हो। यस दिन सेन्सेटिभ इण्डेक्स पनि ०.४९ अंकले घटेको छ।
शुक्रबार प्रि–ओपन सेसनमा ५९ वटा स्टकको ८९ पटक कारोबार भएको छ। उक्त अवधिमा ३ हजार ८०० कित्ता सेयर १८ लाख ४५ हजार ५९० रुपैयाँमा खरिदबिक्री भएको छ।
कारोबारमा आएका ५९ स्टकमध्ये ११ वटाको मूल्य बढेको छ भने ४० वटाको मूल्य घटेको छ। बाँकी ८ वटा स्टकको मूल्य भने स्थिर रहेको छ।
