काठमाडौं । साताको पहिलो कारोबार दिन सोमबार शेयर बजारमा भारी गिरावट आएको छ। यस दिन नेप्से परिसूचक ३२.६५ अंकले घटेर २ हजार ६५७ विन्दुमा झरेको छ।
.gif)
सोमबार बजारमा अधिकांश कम्पनीको शेयर मूल्य घटेको छ। कारोबारमा आएका ३४३ कम्पनीमध्ये २१ कम्पनीको शेयर मूल्य बढेको छ भने २५२ कम्पनीको मूल्य घटेको छ। बाँकी कम्पनीको शेयर मूल्यमा परिवर्तन आएको छैन।
यस दिन कुल १ करोड ९८ लाख २२ हजार कित्ता शेयर किनबेच हुँदा ७ अर्ब १८ करोड रुपैयाँ बराबरको कारोबार भएको छ।
कारोबार भएका सबै उपसमूहका सूचक घटेका छन्। बैंकिङ १.०७ प्रतिशत, फाइनान्स १.५३ प्रतिशत, होटल तथा पर्यटन ०.६३ प्रतिशत, जलविद्युत् १.०८ प्रतिशत र लगानी समूह १.४२ प्रतिशतले घटेका छन्।
त्यस्तै, जीवन बीमा १.४७ प्रतिशत, उत्पादन तथा प्रशोधन ०.९० प्रतिशत, लघुवित्त १.१६ प्रतिशत, निर्जीवन बीमा १.७२ प्रतिशत, अन्य समूह १.६१ प्रतिशत र व्यापार समूह ०.८६ प्रतिशतले घटेका छन्।
बेनी हाइड्रोपावरको मूल्यमा १५ प्रतिशत वृद्धि
बजार घटे पनि हालै सूचीकृत बेनी हाइड्रोपावरको शेयर मूल्य सबैभन्दा धेरै १५ प्रतिशतले बढेको छ। त्यस्तै, मकर जितुमाया सुरी हाइड्रोपावरको ८.७७ प्रतिशत, मन्दाकिनी हाइड्रोपावरको ५.४७ प्रतिशत, एनआईसी एसिया बैंकको ३.०२ प्रतिशत र बुटवल पावर कम्पनीको २.४८ प्रतिशतले शेयर मूल्य बढेको छ।
यस दिन झापा इनर्जीको शेयर मूल्य सबैभन्दा धेरै ४.११ प्रतिशतले घटेको छ। सांग्रिला डेभलपमेन्ट बैंकको ४.०८ प्रतिशत, एनएलजी इन्स्योरेन्सको ३.८३ प्रतिशत र माउन्ट एभरेस्ट पावरको ३.५६ प्रतिशतले मूल्य घटेको छ।
घलेम्दी हाइड्रोको सर्वाधिक कारोबार
सोमबार कारोबार रकमका आधारमा घलेम्दी हाइड्रोपावर शीर्ष स्थानमा रहेको छ। कम्पनीको ३७ करोड ६३ लाख रुपैयाँ बराबरको शेयर कारोबार भएको छ।
त्यस्तै, ग्लोबल आइएमई बैंकको २९ करोड ४२ लाख रुपैयाँ र कुमारी बैंकको २७ करोड ९१ लाख रुपैयाँ बराबरको शेयर किनबेच भएको छ।
समग्रमा अधिकांश कम्पनीको शेयर मूल्यमा गिरावट आउँदा साताको पहिलो दिन नै शेयर बजारमा बिक्री चाप देखिएको छ।
