काठमाडौं, १४ कात्तिक । काठमाडौंको जामाचो रानीवन क्लबले आयोजना गरेको रक्तदान कार्यक्रममा ४२ पिन्ट रगत संकलन भएको छ ।
.gif)
शनिबार काठमाडौंको रानीवनमा आयोजित रक्तदान कार्यक्रममा ४२ जना रक्तदाताले रक्तदान गरेका हुन् । क्लबका अध्यक्ष गौतमप्रसाद खनालले कार्यक्रममा ४२ पिन्ट रगत संकलन भएको जानकारी दिए ।
मेट्रो ब्लड बैंक महाराजगञ्जको सहकार्यमा सम्पन्न उक्त कार्यक्रम विभिन्न अस्पतालमा उपचाररत बिरामीलाई हुन सक्ने रगत अभाव न्यूनीकरण गर्ने उद्देश्यले आयोजना गरिएको अध्यक्ष खनालले बताए ।
सामाजिक क्षेत्रमा सक्रिय रहँदै आएको क्लबले यसअघि गत वर्ष भदौमा भएको जेनजी आन्दोलनका क्रममा घाइते भएकाहरूलाई आवश्यक रगत उपलब्ध गराउन अभियान सञ्चालन गरी रक्त संकलन गरेको थियो ।
क्लबले सामाजिक उत्तरदायित्व अन्तर्गत रक्तदान लगायतका मानवीय तथा सामाजिक गतिविधिलाई निरन्तरता दिँदै आएको जनाएको छ ।
