काठमाडौँ । नेपाली कांग्रेसका सहमहामन्त्री अजयबाबु शिवाकोटी प्रहरीको साइबर ब्युरो जाने भएका छन्। प्रहरीबाट लगातार ताकेता आएपछि आफू साइबर ब्युरो जान लागेको उनले बताएका छन्।
.gif)
सामाजिक सञ्जालमार्फत जानकारी दिँदै शिवाकोटीले चाडपर्वको बिदाका दिनसमेत प्रहरीले ताकेता गरेपछि केही घण्टाभित्रै ब्युरो पुग्न लागेको बताएका हुन्।
उनले सामाजिक सञ्जालमा लेखेका छन्, ‘चाडबाड बिदाको बेलामा समेत प्रहरीको ताकेता आएपछि एक घण्टापछि साइबर ब्युरोमा पुग्दैछु। आजको सबै भेटघाट सम्भव भएसम्म साइबर ब्युरोमै गर्दैछु।’
यद्यपि, साइबर ब्युरेले कुन विषयमा सोधपुछका लागि बोलाएको हो भन्नेबारे शिवाकोटीले खुलाएका छैनन्। प्रहरीले पनि यस विषयमा विस्तृत जानकारी सार्वजनिक गरेको छैन।
