काठमाडौँ । असोज ३०, सिन्धुपाल्चोक जिल्लामा निर्माण गरिएको १०२ मेगावाट क्षमताको मध्य भोटे कोशी जलविद्युत आयोजनाले असोज २० गतेदेखि व्यापारिक विद्युत उत्पादन सुरु गरेको छ।
.gif)
मध्य भोटेकाशी जलविद्युत कम्पनी लिमिटेडद्वारा प्रवद्र्धित उक्त आयोजनाबाट उत्पादित विद्युत अब नियमित रूपमा राष्ट्रिय प्रसारण प्रणालीमार्फत आपूर्ति गरिनेछ।
नेपाल विद्युत प्राधिकरण (नेपामा) र कम्पनीका पदाधिकारीहरू सम्मिलित समन्वय समितिको असोज २९ गते बसेको बैठकले आयोजना सञ्चालनको मिति औपचारिक रूपमा असोज २० गते मध्यान्ह १२ः०० बजे देखि लागू हुने निर्णय गरेको हो।
कम्पनीद्वारा जारी सूचनामा भनिएको छ कि, विद्युत खरिद बिक्री सम्झौता अनुसार नै उक्त निर्णय गरिएको हो।
यस आयोजनाबाट उत्पादित विद्युतले राष्ट्रिय ग्रिडमा थप शक्ति पुर्याउनुका साथै, ऊर्जा आत्मनिर्भरता र स्थानीय विकासमा सकारात्मक योगदान पुर्याउने अपेक्षा गरिएको छ।
