काठमाडौं । आरम्भ चौतारी लघुवित्त वित्तीय संस्था लिमिटेडले चालू आर्थिक वर्षको दोस्रो त्रैमासिक वित्तीय विवरण सार्वजनिक गरेको छ। सार्वजनिक वित्तीय विवरण अनुसार लघुवित्तले दोस्रो त्रैमासमा आकर्षक छलाङ मारेको छ ।
.gif)
१६१ प्रतिशतले बढ्यो नाफा
चालु आर्थिक वर्षको दोस्रो त्रैमासमा आरम्भ चौतारी लघुवित्तले ३ करोड २६ लाख रुपैयाँ नाफा कमाएको छ । यो गत वर्षको भन्दा १६१.४२ प्रतिशतले धेरै हो ।गत वर्षको यसैअवधिमा कम्पनीले १ करोड २४ लाख रुपैयाँ नाफा कमाएको थियो ।
सञ्चालन नाफा
यसअवधिमा कम्पनीको सञ्चालन नाफा पनि १६१.४१ प्रतिशतले बढेर ४ करोड ६६ लाख रुपैयाँ पुगेको छ । यसले गर्दा कम्पनीको नाफा बढ्न गएको छ ।
खुद ब्याज आम्दानी
यसको खुद ब्याज आम्दानी पनि २६.०२ प्रतिशतले बढेर १६ करोड १७ लाख रुपैयाँ कायम भएको छ । गत वर्ष यसले १२ करोड ८३ लाख रुपैयाँ खुद ब्याज आम्दानी गरेको थियो ।
खराब कर्जा
पुस मसान्तसम्म आइपुग्दा आरम्भ चौतारीको खराब कर्जा पनि घटेको छ । गत वर्ष ४.६४ प्रतिशत रहेको यस लघुवित्तको खराब कर्जा अहिले घटेर २.९१ प्रतिशतमा झरेको छ ।
चुक्ता पूँजी/जगेडा कोष
चुक्ता पूँजी ३६ करोड ७१ लाख रुपैयाँ रहेको कम्पनीको जगेडा कोषमा १५ करोड ८४ लाख रुपैयाँ सञ्चिति रहेको छ।
सञ्चित मुनाफा ऋणात्मक
सञ्चित मुनाफा १ करोड १९ लाख रुपैयाँ ऋणात्मक छ।
निक्षेप संकलन/कर्जा लगानी
कम्पनीले २ अर्ब ९४ करोड रुपैयाँ सापटी लिएर १ अर्ब ७७ करोड रुपैयाँ निक्षेप संकलन र ४ अर्ब ७९ करोड रुपैयाँ कर्जा लगानी गरेको छ।
प्रतिसेयर आम्दानी/प्रतिसेयर नेटवर्थ
कम्पनीको प्रतिसेयर आम्दानी १७ रुपैयाँ ७९ पैसा (वार्षिकीकरण) रहेको छ, प्रतिसेयर नेटवर्थ १३९ रुपैयाँ ९२ पैसा छ ।
