काठमाडौं ।एनएमबि बैंक लिमिटेडले आफ्ना सेयरधनीहरुका लागि वितरण गर्ने लाभांश घोषणा गरेको छ । बैंकको असोज २१ गते बुधबार बसेको सञ्चालक समितिको बैठकले गत आर्थिक वर्षको वितरणयोग्य मुनाफाबाट सेयरधनीलाई लाभांश घोषणा गरेको हो ।
.gif)
बैठकले बैंकको साधारण सेयरतर्फ चुक्ता पूँजीको ७ प्रतिशतका दरले नगद लाभांश (कर सहित) र एनएमबि अविमोच्य असञ्चिति अग्राधिकार सेयर तर्फ चुक्ता पूँजीको ८.२५ प्रतिशत नगद लाभांश (कर समेत) वितरण गर्ने निर्णय गरेको हो । बैंकको साधारण सेयरतर्फ चुक्ता पूँजी १९ अर्ब २८ करोड ५० लाख ४१ हजार २५७.२० रुपैयाँ रहेको छ भने अग्राधिकार सेयरतर्फ चुक्ता पूँजी ३ अर्ब रुपैयाँ रहको छ ।प्रस्तावित लाभांश नेपाल राष्ट्र बैंकबाट स्वीकृत भई बैंकको अब हुने वार्षिक साधारणसभाले पारित गरेपछि सम्बन्धित सेयरधनीहरुमा वितरण हुनेछ ।
