काठमाडौँ । साताको सेयर कारोबार हुने दोस्रो दिन नेप्से परिसूचक दोहोरो अंकले बढेको छ । अघिल्लो दिन २० अंकले घटेको बजार आज ११.९६ अंकले बढेको हो । आजको कारोबार बन्द हुँदा परिसूचक २५७८.७३ विन्दुमा पुगेको छ । आज सेयर बजारमा १६९ कम्पनीको सेयर मूल्य बढेको छ भने ९५ कम्पनीको सेयर मुल्य आज घटेको छ । आज १५ कम्पनीको सेयर मूल्य भने स्थिर रहेको छ ।
.gif)
त्यस्तै आज सेन्सेटिभ इन्डेक्स पनि २ अंकले बढेर ४६१.८६ विन्दुमा पुगेको छ । आज सेयर बजारका १३ उपसूचकमध्ये ११ वटाको सेयर मूल्य बढेको छ भने २ वटाको घटेको छ । परिसूचक बढे पनि कारोबार रकममा भने गिरावट आएको छ । आज बजारमा ३ अर्ब १३ करोड माथिको कारोबार भएको छ । आज सेयर बजारमा ३५९ कम्पनीका ८९ लाख ५५ हजार २३० कित्ता सेयर ४१ हजार ६०७ पटक खरिद बिक्री हुँदा ३ अर्ब १३ करोड ८१ लाख १९ हजार ५२८ रुपैयाँको कारोबार भएको छ ।
