काठमाडौँ । साताको सेयर कारोबार हुने पहिलो दिन नेप्से परिसूचक राताम्य भएर बन्द भएको छ । गत साता पनि घटेको बजार यो साताको पहिलो दिन नै उच्च अंकले घटेर बन्द भएको हो । सोमबार सेयर बजार परिसूचक २०.४८ अंकले घटेर बन्द भएको हो । आजको कारोबार बन्द हुँदा परिसूचक २५६६.७६ विन्दुमा पुगेको छ । आज सेयर बजारमा २४२ कम्पनीको सेयर मूल्य घटेको छ भने ३२ वटा कम्पनीको मात्रै बढेको छ । आज ४ कम्पनीको सेयर मूल्य स्थिर रहेको छ ।
.gif)
त्यस्तै आज सेन्सेटिभ इन्डेक्स पनि ३.२३ अंकले घटेर ४५९.७९ विन्दुमा पुगेको छ । आज सेयर बजारका १३ उपसूचकमध्ये १२ वटाको सेयर मूल्य घटेको छ भने १ वटाको बढेको छ । परिसूचक घटेको दिन सेयर बजारको कारोबार ३ अर्बमा सिमित भएको छ । आज ३५९ कम्पनीका ९० लाख ३ हजार ३८८ कित्ता सेयर ४४ हजार ७७७ पटक खरिद बिक्री हुँदा ३ अर्ब २७ करोड ९५ लाख ९ हजार ८३६ रुपैयाँको कारोबार भएको छ ।
