काठमाडौँ । काठमाडौँको तारकेश्वर नगरपालिका–६ धर्मस्थलीमा एक घरबाट लाखौँको धनमाल चोरी भएको छ। स्थानीय ४३ वर्षीय मोहन बाबु श्रेष्ठको घरमा गए राति अज्ञात समूहले सुनका विभिन्न गरगहना र नगदसहित करिब १६ लाख ६१ हजार रुपैयाँ बराबरको धनमाल चोरी गरेको हो।
.gif)
चोरी भएको धनमालमा महँगा सुनका गहना र उल्लेख्य नगद रहेको बताइएको छ। प्रहरीले घटनाको सूचना पाउनेबित्तिकै घटनास्थल पुगेर मुचुल्का उठाएको छ र अनुसन्धान प्रक्रिया अगाडि बढाएको छ। चोरीमा संलग्न व्यक्तिहरू हाल फरार रहेकाले उनीहरूको खोजीका लागि महानगरीय प्रहरी वृत्त र मातहतका टोलीहरू परिचालन गरिएको छ।
