काठमाडौँ । असोज २८, मंगलबारको सेयर बजारमा समग्र रुपमा नकारात्मक संकेत देखिएको छ। नेपाल स्टक एक्सचेञ्ज (नेप्से) परिसूचक १९.४३ अंकले घटेर २५२८.१६ विन्दुमा झरेको छ। अघिल्लो कारोबार दिन सोमबार नेप्से बढेको भए पनि मंगलबार भने बजार ओरालो लागेको हो।
.gif)
साथै, अन्य सूचकहरू पनि घटेका छन्। सेन्सेटिभ इन्डेक्स ४.६० अंकले घटेको छ भने फ्लोट इन्डेक्स १.८० अंक र सेन्सेटिभ फ्लोट इन्डेक्स १.७१ अंकले घटेका छन्।
कारोबार रकममा पनि गिरावट,सोमबार करिब ५ अर्ब रुपैयाँ बराबरको कारोबार भएको बजारमा मंगलबार भने ३ अर्ब ३६ करोड ६१ लाख ९८ हजार रुपैयाँ बराबरको कारोबार मात्र भएको छ। यो कारोबार ३१७ वटा स्टकको ३८ हजार ८२७ पटकको किनबेचमा भएको हो, जसमा ७४ लाख ८८ हजार कित्ता सेयरहरू खरिदबिक्री भएका छन्।
सर्किट लेभलमा पुगेका स्टकहरू,यस दिन दुई कम्पनीका सेयर सकारात्मक सर्किट लेभलमा कारोबार भएका छन्। शुभम पावर र ग्रामिण विकास लघुवित्त वित्तीय संस्थाका सेयरले सर्किट लेभल हिट गरेका हुन्।
त्यस्तै, क्रेष्ट माइक्रो लाइफ इन्स्योरेन्सको सेयर मूल्य करिब ६ प्रतिशतले वृद्धि भएको छ भने विन्ध्यबासिनी हाइड्रोपावर डेभलपमेन्ट कम्पनीको सेयर मूल्य साढे ५ प्रतिशतले बढेको छ।
सबैभन्दा धेरै घटेको स्टक,समाज लघुवित्त वित्तीय संस्थाको सेयर मूल्य मंगलबार सबैभन्दा धेरै घटेको हो। कम्पनीको सेयर मूल्य १० प्रतिशतले ओरालो लागेको छ।
कारोबार रकमको हिसाबले अग्रस्थान,कारोबार रकमको आधारमा नेपाल पुनर्बीमा कम्पनी शीर्ष स्थानमा रह्यो। कम्पनीको ३२ करोड ७ लाख रुपैयाँ बराबरको सेयर कारोबार भएको हो। त्यस्तै, हिमालयन रि इन्स्योरेन्सको १६ करोड रुपैयाँ भन्दा बढीको तथा सिईडिबी होल्डिङ्गस लिमिटेडको साढे १२ करोड रुपैयाँभन्दा बढीको कारोबार भएको छ।
उपसमूहगत स्थिति,नेप्सेमा सूचीकृत १३ वटा उपसमूहमध्ये ३ उपसमूहको परिसूचक मात्र बढेको छ भने १० उपसमूहको परिसूचक घटेको छ।
सबैभन्दा बढी वृद्धि व्यापार उपसमूहमा देखिएको छ, जसको परिसूचक १.४८ प्रतिशतले बढेको हो।
अन्य र म्युचुअल फण्ड उपसमूहमा सामान्य वृद्धि देखिएको छ।सबैभन्दा बढी गिरावट विकास बैंक, वित्त, होटल तथा पर्यटन, जलविद्युत लगानी र निर्जीवन बीमा उपसमूहमा देखिएको छ, जसको परिसूचक १ प्रतिशत भन्दा बढीले घटेको छ।
