काठमाडौं । यूनिभर्सल पावर कम्पनी लिमिटेडले वार्षिक साधारणसभा बोलाएको छ । कम्पनीको भदौ २९ गते बसेको सञ्चालक समितिले आगामी असोज २३ गते ललितपुरको तीखेदेवलमा रहेको दरबार रेष्ट्रो होटल एण्ड पार्टी भेन्यूमा बिहान १० बजेदेखि सभा आयोजना गर्ने निर्णय गरेको हो ।सभामा कम्पनीका सेयरधनीहरुका लागि ९ प्रतिशत बोनस सेयर र ०.४७३७ प्रतिशत नगद लाभांश वितरणको प्रस्ताव पारित गरिनेछ ।
.gif)
उक्त सभामा चुक्तापूँजीको ९ प्रतिशत बोनस सेयर (कर बाहेक) जारी गर्ने, बोनस सेयर जारी गरेपश्चात कायम हुने चुक्तापूँजीको शतप्रतिशत अर्थात १ः१ अनुपातमा हकप्रद सेयर जारी गर्ने र सो सम्बन्धमा आवश्यक कार्यका लागि सञ्चालक समितिलाई अख्तियारी प्रदान गर्ने विशेष प्रस्तावहरु पारित गरिनेछ ।
यस्तै सभाले आव २०७९/८०, २०८०/८१ र आव २०८१/८२ को सञ्चालक समितिको तर्फबाट अध्यक्षले प्रस्तुत गर्ने वार्षिक प्रतिवेदन पारित गर्ने, लेखापरीक्षकको प्रतिवेदनसहित आव २०७९/८०, आव २०८०/८१ र २०८१/८२ को वासलात, नाफा नोक्सान हिसाब तथा सोही अवधिको नगद प्रवाह विवरणमाछि छलफल गरी पारित गर्ने भएको छ ।
साथै, सभामा आव २०८०/८१ लागि नियुक्त लेखा परीक्षकको नियुक्ती तथा निजको पारिश्रमिक अनुमोदन गर्ने र आव २०८२/८३ का लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्तावहरु पारित गरिनेछ ।कम्पनीको प्रबन्धपत्र तथा नियमावलीबमोजिम २ जना सञ्चालकको निर्वाचन गर्ने र स्वतन्त्र सञ्चालकको नियुक्ती अनुमोदन गर्ने प्रस्ताव समेत पारित हुनेछ ।
लाभांश वितरण तथा साधारण सभा प्रयोजनाका लागि कम्पनीले असोज ८ गते एक दिनका लागि बुक क्लोज गर्ने निर्णय गरेको छ । यसर्थ असोज ७ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीको सभामा सहभागी हुन तथा लाभांश प्राप्त गर्नका लागि योग्य हुनेछन् ।
