काठमाडौँ । शनिबार काठमाडौँ र सप्तरीमा लाखौँ रुपैयाँ बराबरको धनमाल चोरी भएको नेपाल प्रहरीले जानकारी दिएको छ ।काठमाडौँको तारकेश्वर नगरपालिका-६, पैयुटार हाइटमा देवेन्द्र मैनालीको घरबाट सुनका विभिन्न गहना र नगदसहित करिब ८ लाख रुपैयाँ बराबरको धनमाल चोरी भएको छ। यो घटना शनिबार राति भएको हो।
.gif)
यसैगरी, सप्तरीको राजविराज नगरपालिका-७, खर्साल टोलमा रञ्जित कुमार मण्डलको घरबाट पनि सुनका गहना र नगदसहित करिब २ लाख ८२ हजार रुपैयाँ बराबरको धनमाल चोरी भएको छ। यो घटना पनि शनिबार राति नै भएको हो।प्रहरीले यी दुवै घटनामा संलग्न व्यक्तिहरूको खोजी गरिरहेको छ र यस सम्बन्धमा थप अनुसन्धान भइरहेको छ।
