काठमाडौँ । बजारमा कोइरालो आउन पाइन थालेको छ।भर्खरैदेखि बजारमा कोइरालो आउन थालेको हो।
.gif)
नेपाल फलफूल तथा तरकारी व्यवसायी संघ, काठमाडौंका पूर्व अध्यक्ष खोम प्रसाद घिमिरेका अनुसार कालीमाटी बजारमा कोइरालो आउन थालेको एक साता भयो।
कोइरालोको मुख्य सिजन चैत हो। कोइरालो विशेषगरी धादिङको धुनेबेशी नगरपालिकाको जीवनपुर, केबलपुर, छत्रेदेउराली लगायत विभिन्न ठाउँबाट आउने गरेको छ।
कालीमाटी बजारको तथ्यांक हेर्दा बुधबार कोइरालो प्रति थोक मूल्य पाँच सयदेखि पाँच सय ५० रूपैयाँसम्ममा कारोबार भएको छ।सिजन सुरू भएसँगै कोइरालोको मूल्य घट्ने घिमिरे बताउँछन्।
'अहिले भर्खरै आउन थालेको महँगो भएको हो,' उनले भने, 'चैत लागेपछि कोइरालोको मूल्य घट्छ।' उनका अनुसार कोइराको चैत महिनाभरी आउने छ। कोइरालो ओइलाउने र बिग्रिहाल्ने भएकाले धेरै समय राख्न सकिँदैन।
सिजनमा कोइरालो प्रतिकिलो एक सय रूपैयाँसम्म पाइने उनी बताउँछन्। कोइरालो एक प्रकारको वनस्पति हो। यसको फूलको अचार बनाएर खाने गरिन्छ।
