काठमाडौँ । राष्ट्रिय लोक तथा दोहोरी गीत प्रतिष्ठान नेपालको नवौँ महाधिवेशनबाट निर्वाचित नयाँ कार्यसमितिलाई बधाई तथा सफल कार्यकालको शुभकामना व्यक्त गरिएको छ।
.gif)
महाधिवेशनबाट निर्वाचित सम्पूर्ण पदाधिकारी तथा कार्यसमिति सदस्यहरूलाई बधाई दिँदै नेपाली लोक तथा दोहोरी गीतको संरक्षण, प्रवर्द्धन र विकासमा नयाँ नेतृत्वले महत्वपूर्ण योगदान पुर्याउने विश्वास व्यक्त गरिएको हो।
नेपाली लोक तथा दोहोरी गीत देशको मौलिक संस्कृति, परम्परा र जनजीवनसँग जोडिएको संगीत विधा हो। यसको संरक्षण तथा प्रवर्द्धन गर्नुका साथै नयाँ पुस्तामाझ लोकसंगीतको महत्व स्थापित गर्न प्रतिष्ठानले महत्वपूर्ण भूमिका निर्वाह गर्दै आएको छ।
नयाँ कार्यसमितिले नेपाली लोकसंस्कृति र मौलिक संगीतको जगेर्नालाई प्राथमिकता दिँदै कलाकारहरूको हकहित संरक्षण, उनीहरूका समस्या समाधान तथा लोकदोहोरी क्षेत्रको व्यावसायिक विकासमा प्रभावकारी भूमिका खेल्ने अपेक्षा गरिएको छ।
त्यसैगरी, लोक तथा दोहोरी गीतको मौलिकता कायम राख्दै नेपाली संगीतलाई थप व्यवस्थित, मर्यादित र लोकप्रिय बनाउन नयाँ नेतृत्वले आवश्यक पहल गर्ने विश्वाससमेत व्यक्त गरिएको छ।
नवौँ महाधिवेशनबाट निर्वाचित सम्पूर्ण पदाधिकारी तथा कार्यसमिति सदस्यहरूको कार्यकाल सफल रहोस् र नेपाली लोक तथा दोहोरी संगीतको विकास, विस्तार तथा संरक्षणमा उल्लेखनीय योगदान पुग्न सकोस् भन्ने कामनासहित हार्दिक बधाई तथा शुभकामना व्यक्त गरिएको छ।
