काठमाडौं । साताको पहिलो कारोबार दिन (आइतबार)को प्रिओपन सेसनमा सेयर बजार परिसूचक (नेप्से) एकल अंकको गिरावट आएको छ । प्रिसेसनमा २.२९ अंकले घट्दै नेप्से २६९७.५१ को बिन्दुमा झरेको छ ।
.gif)
यो सेसनमा कारोबारमा आएका ७२ कम्पनीमध्ये ३४ को मूल्य घट्दा ३२ को मूल्य बढ्यो । ६ कम्पनीको भने स्थिर रह्यो ।यो सेसनमा बैंकिङ र हाइड्रो समूहको उच्च कारोबार भयो ।९७ हजार १७६ कित्ता सेयर किनबेच हुँदा कारोबार रकम ४ अर्ब ९४ करोड ३५ लाख रुपैयाँमाथिको भयो ।
यसअघि गत साताको अन्तिम तीन कारोबार दिन नेप्सेमा लगातार गिरावट आएको थियो । मंगलबार १४.०८ अंकले घटेको नेप्से बुधबार ४.४५ र बिहीबार ११.६४ अंकले घटेको थियो ।तीन कारोबार दिनकै बिचमा ३१ अंकले घट्दै नेप्से २६९९.८१ को बिन्दुमा ओर्लिएको थियो ।लगातार गिरावट आएपनि नेप्सेमा कारोबार रकम घटेको थिएन । तीन दिनकै बिच साढे २६ अर्बमाथिको कारोबार भएको थियो ।
आजको प्रिसेसनको कारोबारले पनि लगानीकर्ता उच्च सक्रिय भएको देखाउँछ । जसले बजारको बढ्ने नै सम्भावनालाई दर्शाएको छ ।
