काठमाडौं । यूनिक हाईडेल कम्पनी लिमिटेडले आईपीओ निष्काशन गर्ने तयारी गरेको छ । कम्पनीले आईपीओ निष्काशन गर्ने प्रस्ताव सहित माघ ९ गते नवौं वार्षिक साधारण सभा बोलाएको छ ।
.gif)
कम्पनीको रजिष्टर्ड कार्यालय, डिल्लीबजार, काठमाडौंमा बिहान ११ बजे सभा गर्ने निर्णय कम्पनीले गरेको छ । आईपीओ निष्काशन गर्ने प्रस्ताव पारित गर्दै सभाले त्यसको सम्पूर्ण जिम्मेवारी सञ्चालक समितिलाई दिने निर्णय पनि सभाले गर्नेछ ।
साथै गत आर्थिक वर्ष २०८०/८१ को वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्षको लागि लेखापरीक्षक नियुक्ति र निजको पारिश्रमिक निर्धारणको विषय पनि टुङ्ग्याउनेछ ।
