काठमाडौं । साताको तेस्रो कारोबार दिन (मंगलबार)को प्रिओपन सेसनमा सेयर बजार परिसूचक (नेप्से) दोहोरो अंकले बढेको छ । प्रिसेसनमा १४.७० अंकले बढ्दै नेप्से २७७२.७४ को बिन्दुमा उक्लिएको छ ।
.gif)
यो सेसनमा विशेषगरी बैंक, हाइड्रो, लघुवित्तलगायतका कम्पनीहरुको कारोबार रह्यो । कारोबारमा आएका ६४ कम्पनीमध्ये १४ कम्पनी वाणिज्य बैंक समूहका छन् ।
यो सेसनमा ६४ कम्पनीमध्ये ४६ को मूल्य बढ्यो १६ को मूल्य घट्यो । २ को भने स्थिर रह्यो ।
प्रिसेसनमा १३ हजार ६४८ कित्ता सेयर किनबेच हुँदा कारोबार रकम ७६ लाख ७५ हजार रुपैयाँको भयो ।
यसअघि सोमबार नेप्से १९.९७ अंकले बढ्दै २७५८.०४ को बिन्दुमा उक्लिएको थियो । दोहोरो अंकले नेप्से बढ्दै गर्दा कारोबार रकम पनि १० अर्ब ५४ करोड रुपैयाँ माथिको भएको थियो ।
सोमबारको कारोबारले नेप्सेमा सकारात्मक संकेत गरिरहँदा मंगलबारको प्रिसेसनले पनि नेप्से बढ्ने संकेत गरेको छ ।
