काठमाडौं । साताको दोस्रो कारोबार दिन (सोमबार)को प्रिओपन सेसनमा सेयर बजार परिसूचक (नेप्से) दोहोरो अंकले बढेको छ । प्रिसेसनमा ११.२० अंकले बढ्दै नेप्से २७४९.२६ को बिन्दुमा उक्लिएको छ ।
.gif)
यसअघि जस्ता प्रिसेसनमा कारोबारका हिसाबले वाणिज्य बैंक, विकास बैंक र हाइड्रो हाबी रहे ।
यो सेसनमा कारोबारमा आएका ७१ कम्पनीमध्ये ३९ को मूल्य बढ्यो भने २७ को मूल्य घट्यो । ५ कम्पनीको भने मूल्य स्थिर रह्यो ।
प्रिसेसनमा यसअघिका दिनको तुलनामा उच्च कारोबार भयो । ९२ हजार ९ सय कित्ता सेयर किनबेच हुँदा कारोबार रकम ८ करोड ७ लाख २२ हजार रुपैयाँ बराबर रह्यो । जुन केही दिनयताकै उच्च हो ।
साताको पहिलो कारोबार दिन (आइतबार) नेप्से ९.९९ अंकले घटेको थियो । यद्यपि, सोमबारको प्रिसेसनमा नेप्सेमा उत्साहको संकेत गरेको छ ।
