काठमाडौं । फष्र्ट माइक्रो फाइनान्स लघुवित्त वित्तीय संस्था लिमिटेडले पुस ११ गते १५औं वार्षिक साधारण सभा बोलाएको छ । मंसिर ११ गते बसेको कम्पनीको सञ्चालक समितिको बैठकले आम्रपाली व्याङ्केट, भाटभटेनी, काठमाडौंमा विहान १० बजे सभा गर्ने निर्णय गरेको हो ।
.gif)
सभाले गत आर्थिक वर्ष ०८०।८१ को वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय टुङ्ग्याउनेछ । यस वर्ष गत वर्षको मुनाफाबाट कम्पनीले हाल कायम चुक्ता पूँजीको आधारमा ९ प्रतिशत बोनस शेयर र कर प्रयोजनका लागि शून्य दशमलव ४७ प्रतिशत नगद लाभांश वितरण गर्ने प्रस्ताव गरेको छ ।
कम्पनीको अधिकृत पूँजी १ अर्ब २३ करोड ३८ लाख २६ हजार रुपैयाँबाट बृद्धि गरी २ अर्ब र जारी तथा चुक्तापूँजी १ अर्ब २३ करोड ३८ लाख २६ हजार रुपैयाँबाट बृद्धि गरी १ अर्ब ३४ करोड ४८ लाख ७१ हजार रुपैयाँ पु¥याउने प्रस्ताव पनि सभाले पारित गर्नेछ । अन्य कुनै लघुवित्त वित्तीय संस्था सँग मर्जर तथा प्राप्ति गर्न आवश्यक देखिएमा त्यसको सम्पूर्ण जिम्मेवारी सञ्चालक समितिलाई दिने निर्णय पनि सभाले गर्नेछ ।
सर्वसाधारण शेयरधनीको तर्फबाट ३ जना सञ्चालक निर्वाचन पनि सभाले गर्नेछ । साधारण सभा प्रयोजनका लागि मंसिर २३ गते एक दिन बुक क्लोज गर्ने तयारी कम्पनीले गरेको छ । बुक क्लोजको आधारमा मंसिर २० गते बिहीवार सम्म कायम शेयरधनीहरुले मात्र सभामा भाग लिन र लाभांश प्राप्त गर्न सक्नेछन् ।
