काठमाडौं । एनआईसी एशिया बैंक लिमिटेड र साइमेक्स इंक प्रालिबीच बीवाईडी (BYD) ब्रान्डका विद्युतीय गाडी खरिद गर्ने ग्राहकलाई विशेष सुविधा प्रदान गर्ने सम्बन्धमा समझदारीपत्रमा हस्ताक्षर भएको छ ।
.gif)
समझदारीअनुसार एनआईसी एशिया बैंकका ग्राहकले बीवाईडी ब्रान्डका कुनै पनि गाडी खरिद गर्दा सहुलियत ब्याजदरमा कर्जा तथा विशेष सुविधा प्राप्त गर्नेछन् ।
बैंकले आफ्ना ग्राहकलाई सहज र सुलभ वित्तीय सेवा उपलब्ध गराउने उद्देश्यले उक्त सम्झौता गरेको जनाएको छ । यस सहकार्यबाट बीवाईडीका गाडी खरिद गर्न चाहने ग्राहकलाई आर्थिक रूपमा थप सहज हुने अपेक्षा गरिएको छ ।
एनआईसी एशिया बैंकले आफ्नो २९औँ वार्षिकोत्सवको अवसरमा ‘डु मोर, गेट मोर’ नारासहित ग्राहकलाई लक्षित विभिन्न सेवा तथा सुविधा विस्तार गर्दै आएको छ ।
