काठमाडौँ, २८ कात्तिक । छठ पर्वको अवसरमा सरकारले सार्वजनिक बिदा दिए पनि सोमबार (कात्तिक ३० गते) राहदानी विभाग खुला रहने भएको छ।
.gif)
सेवाग्राहीको सुविधालाई ध्यानमा राख्दै सार्वजनिक बिदाका दिन पनि नियमित सेवा सञ्चालन गर्ने निर्णय गरिएको विभागका महानिर्देशक दीपक विश्वकर्माले जानकारी दिएका छन् ।
उनका अनुसार सोमबार अन्य नियमित कार्यदिनमा जस्तै बिहान ९ बजेदेखि अपराह्न ४ बजेसम्म राहदानी सम्बन्धी सम्पूर्ण सेवा उपलब्ध हुनेछ।
सार्वजनिक बिदाका कारण सेवाग्राहीलाई राहदानी सेवा लिन असुविधा नहोस् भन्ने उद्देश्यले विभाग खुला राख्ने व्यवस्था मिलाइएको उहाँले बताउनुभयो। यद्यपि, छठ पर्व मनाउने विभागका कर्मचारीलाई भने सोमबार बिदा दिइएको छ।
