काठमाडौं, २७ कात्तिक । तिहारको लामो बिदापछि खुलेको नेपाली बजारमा सुन र चाँदीको मूल्यमा उच्च गिरावट आएको छ। शुक्रबार सुनको मूल्य प्रतितोला १२ हजार ६०० रुपैयाँले घटेको हो।
.gif)
नेपाल सुनचाँदी व्यवसायी महासंघका अनुसार तिहारअघिको अन्तिम कारोबार दिन कात्तिक २० गते शुक्रबार प्रतितोला २ लाख ८४ हजार ७०० रुपैयाँमा कारोबार भएको सुनको मूल्य आज घटेर २ लाख ७१ हजार ७०० रुपैयाँ कायम भएको छ।
त्यस्तै, चाँदीको मूल्य पनि प्रतितोला १५५ रुपैयाँले घटेको छ। तिहारअघि प्रतितोला ३ हजार ८५५ रुपैयाँमा कारोबार भएको चाँदी आज घटेर ३ हजार ७०० रुपैयाँमा झरेको महासंघले जनाएको छ।
तिहार बिदापछि बजार खुलेसँगै दुवै बहुमूल्य धातुको मूल्यमा उल्लेख्य गिरावट देखिएको हो।
