मकवानपुर, २७ कात्तिक । मकवानपुरको थाहा नगरपालिका–९ स्थित चित्लाङको हात्तीसार डबलीमा परम्परागत कात्तिक नाच प्रस्तुत गरिएको छ।
.gif)
शुक्रबार मध्यराति कतिपुन्हि प्याखँ (कात्तिक नाच) अन्तर्गत विभिन्न देवगणको नाच प्रदर्शन गरिएको हो।
ऐतिहासिक तथा सांस्कृतिक महत्व बोकेको उक्त नाचमा गणेश, भैरव, वाराही, कुमारी र महालक्ष्मीलगायतका देवगणको प्रस्तुति रहेको थियो।
स्थानीय नेवारी कला, संस्कृति र परम्पराको संरक्षण तथा पुस्तान्तरण गर्ने उद्देश्यले यस्ता सांस्कृतिक नाच प्रस्तुत गरिँदै आएको छ।
