काठमाडौं । ग्लोबल आइएमई बैंक लिमिटेडले तिहार बिदाको दिन पनि ग्राहकलाई बैंकिङ सेवा उपलब्ध गराउने भएको छ। बैंकले बिहीबार (२०८३ कात्तिक २६ गते) सातै प्रदेशका विभिन्न शाखा कार्यालय खुला राख्ने जनाएको छ।
.gif)
बैंकले सार्वजनिक गरेको सूचनाअनुसार उक्त दिन बिहान १० बजेदेखि दिउँसो १ बजेसम्म तोकिएका शाखाबाट बैंकिङ सेवा लिन सकिनेछ।
बैंकले प्रदेशअनुसार खुला रहने शाखाहरूको विवरण सार्वजनिक गरेको छ।
खुला रहने शाखाहरू
कोशी प्रदेश: चारआली, हनुमानबास रोड र इटहरी।
मधेश प्रदेश: जनकपुर र वीरगञ्ज।
बागमती प्रदेश: ठाँडी, बेलचोक, कोटेश्वर, असन, थानकोट, सुकेधारा, इमाडोल र नक्साल।
गण्डकी प्रदेश: सभागृह पोखरा।
लुम्बिनी प्रदेश: पुष्पलाल चोक नेपालगञ्ज, कोहलपुर, तुलसीपुर दाङ, देवीनगर र तानसेन।
कर्णाली प्रदेश: सुर्खेत।
सुदूरपश्चिम प्रदेश: क्याम्पस चोक, धनगढी।
बैंकका अनुसार तिहार बिदाको दिन पनि ग्राहकले तोकिएका शाखाबाट आवश्यक बैंकिङ सेवा प्राप्त गर्न सक्नेछन्।
त्यस्तै, एनसीएचएल–आईपीएस (NCHL-IPS) सेवा बिहान १० बजेदेखि दिउँसो १२ बजेसम्म उपलब्ध हुने बैंकले जनाएको छ।
थप जानकारी तथा बैंकिङ सेवासम्बन्धी जिज्ञासाका लागि ग्राहकले बैंकको ग्लोबल कनेक्ट सेवा केन्द्रमा सम्पर्क गर्न सक्नेछन्।
स्रोत: ग्लोबल आइएमई बैंक
