काठमाडौं । काठमाडौं महानगरपालिकाले दसैँका बेला कात्तिक १ गतेदेखि ४ गतेसम्म उपत्यकाको अन्तिम फोहोर व्यवस्थापनस्थल बञ्चरेडाँडामा फोहोर व्यवस्थापन कार्य प्रभावित हुने जनाएको छ ।
.gif)
महानगरपालिकाका अनुसार दसैँको मुख्य पर्वका अवसरमा सफाइ कर्मचारीहरू पनि चाडपर्व मनाउन जाने भएकाले उक्त अवधिमा फोहोर व्यवस्थापनमा असर पर्ने भएको हो ।
कामपा वातावरण व्यवस्थापन विभागकी प्रमुख सरिता राईले कात्तिक १ गतेदेखि चार दिनसम्म उत्पादन हुने फोहोरलाई कुहिने र नकुहिने गरी छुट्याएर छुट्टाछुट्टै राख्न सर्वसाधारणलाई अनुरोध गरेकी छन् ।
महानगरपालिकाले उक्त अवधिबाहेक अन्य दिनमा भने फोहोर व्यवस्थापनको काम नियमित रूपमा सञ्चालन हुने जनाएको छ ।
दसैँका बेला फोहोर व्यवस्थापनमा पर्न सक्ने असहजतालाई ध्यानमा राख्दै महानगरपालिकाले घर तथा व्यवसायबाट निस्कने फोहोर स्रोतबाटै वर्गीकरण गरी व्यवस्थापनमा सहयोग गर्न नगरवासीलाई आग्रह गरेको छ ।
