छिमेक लघुवित्त वित्तीय संस्था लि.को २४औंं वार्षिक साधारण सभा हेटांैडाको होटल सामना प्रा.लि.मा मिति २०८२ पौष २९ गते मंगलवार वित्तीय संस्थाका अध्यक्ष श्री रामचन्द्र जोशीज्यूको अध्यक्षतामा सम्पन्न भयो । सो सभामा वित्तीय संस्थाका अध्यक्ष ज्यूबाट संस्थाको वार्षिक प्रतिवेदन प्रस्तुत भएको थियो ।
.gif)
काठमाडौंंको मध्य वानेश्वरमा केन्द्रीय कार्यालय रहेको राष्ट्रिय स्तरको यस वित्तीय संस्थाले हाल सम्ममा ६९ जिल्लामा १९७ वटा शाखा मार्फत कुल ४ लाख ४० हजार ३ सय ७ जना महिला सदस्यहरुलाई लघुवित्त कार्यक्रम मार्फत सेवा दिइरहेको छ । २०५८ सालमा स्थापना भएको यस संस्थाले आर्थिक वर्ष २०८१÷८२ मा १ अर्व २१ करोड ५४ लाख २५ हजार २४० रुपैंया ३७ पैसा खुद मुनाफा आर्जन गर्न सफल भएको छ । शेयरधनीहरुलाई आ.व.२०८१÷८२ को मुनाफावाट १२.५ प्रतिशत नगद लाभांश र १२.५ प्रतिशत बोनस शेयर गरि कुल २५ प्रतिशत लाभांश प्रदान गर्ने निर्णय यस साधारण सभाले गरेको छ ।
त्यसै गरी यस वित्तीय संस्थाको चुक्ता पूँजी रु ३ अर्ब २१ करोड ५३ लाख ४५ हजार ८ सय ६८ रुपैंया बाट बृद्धि गरि ३ अर्ब ६१ करोड ७२ लाख ६४ हजार १ सय १ रुपैंया ५० पैसा पु¥याउने निर्णय समेत यस साधारण सभाले गरेको छ । यस अवसरमा यस वित्तीय संस्थाका प्रमुख कार्यकारी अधिकृत श्री दिपक निधि तिवारीज्यूले यस संस्थाको वर्तमान अवस्था तथा भावी योजनाको बारेमा मन्तब्य राख्नु भएको थियो । साथै यस वित्तीय संस्थाको सर्वसाधारण शेयरधनीहरुको तर्फबाट प्रतिनिधित्व गर्ने १ जना संचालकको निर्वाचनमा आगामी चार वर्षे कार्यकालको लागि श्री प्रकाश राज विष्ट निर्विरोध निर्वाचित हुनु भएको छ ।
