अष्ट्रेलियामा बसोबास गर्दै आएका फलाङ फूड डिक्सनरीका लेखकले घरायसी रिसाइक्लिङ सामग्री संकलन तथा बिक्री गरेर नेपालमा कोष दान गर्ने पहल सुरु गरेका छन्। वातावरण संरक्षण र सामाजिक उत्तरदायित्वलाई केन्द्रमा राख्दै उनले यो अभियान अगाडि बढाएका हुन्।
.gif)
लेखकले घरमा प्रयोगपछि बाँकी रहेका प्लास्टिक, कागज, धातु लगायतका रिसाइक्लिङ योग्य सामग्री बिक्रीबाट प्राप्त रकम नेपालमा शिक्षा, वातावरण र सामुदायिक विकासका क्षेत्रमा दान गर्दै आएका छन्। उनका अनुसार सानो प्रयासले पनि ठूला सकारात्मक परिवर्तन सम्भव हुन्छ।
यसै सन्दर्भमा उनले नेपालमा बढ्दो भूमि प्रदूषणप्रति चिन्ता व्यक्त गर्दै नेपाल सरकारले प्रमुख शहरहरूमा व्यवस्थित रिसाइक्लिङ केन्द्र स्थापना गर्नुपर्नेमा जोड दिएका छन्। “रिसाइक्लिङ प्रणाली प्रभावकारी भएमा फोहोर व्यवस्थापन मात्र होइन, रोजगारी सिर्जना र वातावरण संरक्षणमा समेत योगदान पुग्छ,” उनले भने।
पर्यावरणविद्हरूले पनि उनको पहललाई प्रेरणादायी भन्दै यस्ता अभियानले आम नागरिकमा वातावरणप्रति जिम्मेवारी बोध बढाउने बताएका छन्। तस्विरः आलामदेवी मल्टिमिडिया
