काठमाडौँ । मंसिर ११, अमेरिकाले अवैध रूपमा बसोबास गर्दै आएका थप पाँच जना नेपाली नागरिकलाई निष्कासन गरी नेपाल पठाएको छ। अमेरिकी इमिग्रेशन निकायले कारबाही प्रक्रियापछि उनीहरूलाई भारतको दिल्ली हुँदै स्वदेश फर्काएको स्रोतले जानकारी दिएको छ।
.gif)
निष्कासनमा परेकामध्ये दाङका दुई जना–ओली र खड्का–प्युठानका बुढाथोकी, रुकुमका शाही तथा रुकुम पूर्वका खड्का थरीका एक–एक व्यक्ति रहेका छन्।
स्रोतका अनुसार उनीहरू बुधबार साँझ करिब ५ः०० बजे एयर इन्डियाको उड्डयन मार्फत काठमाडौँ अवतरण गरेका हुन्।
यसअघि, अघिल्लो हप्तामात्र अमेरिकाले एकैपटक ३५ जना नेपालीलाई चार्टर्ड विमानमार्फत स्वदेश फिर्ता पठाएको थियो।
