काठमाडौँ । भदौ २५, त्रिभुवन अन्तर्राष्ट्रिय विमानस्थल अनिश्चितकालका लागि बन्द गरिएको छ। मंगलबार देखि बन्द गरिएको विमानस्थल कहिले खुल्ने भन्ने बारेमा हालसम्म कुनै निश्चित समय तोकिएको छैन।
.gif)
विमानस्थल कार्यालयले मंगलबार एक सूचना जारी गर्दै विषम परिस्थितिका कारण अर्को सूचना नआएसम्मका लागि विमानस्थल बन्द रहने जानकारी दिएको हो। यसअघि दिउँसो १२ बजेबाट विमानस्थल पुनः सञ्चालनमा आउने भनिएको थियो, तर त्यो सम्भव नभएको विमानस्थल स्रोतले जनाएको छ।
हाल आन्तरिक तथा अन्तर्राष्ट्रिय दुवै प्रकारका उडानहरू प्रभावित भएका छन्। यात्रुहरूका लागि असुविधा नहोस् भनेर विमानस्थल प्रशासन र सम्बन्धित एअरलाइन कम्पनीहरूले वैकल्पिक व्यवस्था मिलाउने प्रयास गरिरहेको बताइएको छ।
विमानस्थल किन बन्द गरिएको हो भन्नेबारेमा विस्तृत विवरण आउन बाँकी छ। यात्रुहरूलाई विमानस्थल वा सम्बन्धित एअरलाइन मार्फत नियमित जानकारी लिन अनुरोध गरिएको छ।
