काठमाडौँः कोशी प्रदेश सहित देशका पहाडी भूभागहरूमा आज सामान्य बदली रहेको छ भने बाँकी भूभागहरूमा आंशिक बदलीको अवस्था छ। मौसम पूर्वानुमान महाशाखाका अनुसार मधेश प्रदेश, कोशी प्रदेश, बागमती प्रदेश र गण्डकी प्रदेशका पहाडी भूभागका थोरै स्थानहरूमा तथा बाँकी पहाडी र तराई भूभागका एक–दुई स्थानमा मध्यम वर्षा हुने सम्भावना छ।
.gif)
आजका लागि पनि देशका पहाडी भूभागहरूमा सामान्य बदली रहनेछ भने अन्य भूभागहरूमा आंशिक बदली रहने बताइएको छ। विशेषगरी लुम्बिनी र सुदूरपश्चिम प्रदेशका पहाडी तथा तराई भूभागहरू र अन्य प्रदेशका पहाडी क्षेत्रका थोरै स्थानहरूमा मध्यम वर्षाको सम्भावना रहेको महाशाखाले जनाएको छ।
मौसमको यो अवस्था बाहिरी गतिविधि तथा यात्रा योजनाका लागि असर गर्न सक्ने भएकाले आवश्यक सतर्कता अपनाउन महाशाखाले आग्रह गरेको छ।
