काठमाडौं । सिक्लेस हाईड्रोपावर लिमिटेडले शेयरधनीलाई बोनस दिने भएको छ । कम्पनीले आर्थिक वर्ष २०८०/८१ र २०८१/८२ को गरी १५ प्रतिशत बोनस दिने भएको हो । कम्पनीको गत २५ गते बसेको सञ्चालक समितिको बैंकले उक्त बोनस दिने निर्णय गरेको कम्पनी सचिव नीराजन महर्जनले जानकारी दिए । महर्जनका अनुसार सिक्लेस हाईड्रोपावरले चुक्ता पुँजीको १५ प्रतिशत हुन आउने १२ करोड ७५ लाख रुपैयाँ बराबरको बोनस शेयर र चुक्ता पुँजीको ०.७८९ प्रतिशत हुन आउने ६७ लाख १० हजार ५२६ रुपैयाँ नगद लाभांश दिने भएको छ ।
.gif)
उक्त नगद लाभांश कर प्रयोजनका लागि भएको महर्जनले जानकारी दिएका छन् । साथै बोनस शेयर जारी गरे पछि सिक्लेस हाईड्रोपावरले हकप्रद शेयर समेत जारी गर्ने भएको छ । कम्पनीले चुक्ता पुँजीको १ः१ को अनुपातमा हकप्रद शेयर जारी गर्ने महर्जनले जानकारी दिएका छन् । उक्त बोनस र हकप्रद शेयर विद्युत् नियमन आयोगबाट पूर्व स्वीकृति पाएपछि आगामी वार्षिक साधारणसभाले पास गरेको परेपछि हुने कम्पनीले जनाएको छ ।
