काठमाडौंः नयाँ वर्षकै दिन २०८२ वैशाख १ गते सोमबार राति जाजरकोट केन्द्रबिन्दु भएर भूकम्प गएको छ।
.gif)
राष्ट्रिय भूकम्प मापन तथा अनुसन्धान केन्द्रका अनुसार, सोमबार राति ९ बजेर ३१ मिनेट जाँदा जाजरकोटको पैङ्क भन्ने स्थानलाई केन्द्रबिन्दु बनाएर ४ दशमलव १ म्याग्निच्युडको भूकम्प गएको जनाएको हो।
कुशे गाउँपालिकाको पैङ्कलाई केन्द्रबिन्दु बनाएर गएको भूकम्पका कारण कुनै क्षति भए नभएकाबारे कुनै विवरण भने प्राप्त हुन सकेको छैन।
यसअघि २०८१ चैत २१ गते राति क्रमशः ८.०७ बजे र ८.१०बजे सोही स्थानलाई केन्द्रबिन्दु बनाएर दुईपटक भूकम्प गएका थिए।
पहिलो भूकम्प ५ दशमलव २ र दोस्रो भूकम्प ५ दशमलव ५ म्याग्निच्युडका थिए। सो भूकम्पका कारण केही घरमा सामान्य क्षति पुगेको थियो।
यस्तै गत चैत २० गते दार्चुलामा ४ म्याग्निच्युडको भूकम्प गएको थियो।
गत चैत १२ गते हुम्लालाई केन्द्रबिन्दु बनाएर ४ दशमलव ५ म्याग्निच्युडको भूकम्प गएको भूकम्प मापन केन्द्रले जनाएको छ।
