काठमाडौं । आर्थिक वर्ष २०८२/०८३ को बजेट निर्माण सम्बन्धी श्रम, रोजगार तथा सामाजिक मन्त्रालयसँगको छलफलमा अर्थमन्त्री विष्णुप्रसाद पौडेलले लोकप्रिय हुने भन्दा यथार्थपरक र कार्यान्वयन योग्य कार्यक्रम आवश्यक भएको बताएका छन् ।
.gif)
पौडेलले श्रम, सीप, रोजगारी र उत्पादनलाई प्राथमिकता दिनु पर्ने उल्लेख गरेका छन् । सामाजिक सुरक्षासँग जोडिएको कार्यक्रमहरुलाई गम्भीर रुपमा समीक्षा गर्न जरुरी रहेको उल्लेख गर्दै पौडेलले विभिन्न मन्त्रालय र निकायसँग भएको कार्यक्रमहरुलाई एकीकृत गर्नुपर्ने बताएका छन् ।
वैदेशिक रोजगारबाट फर्किएकाहरुको सीप सदुपयोग र आन्तरिक रोजगारीको लागि प्राथमिकता दिनुपर्ने सामाजिक मन्त्री शरतसिंह भण्डारीले बताएका छन् ।
