काठमाडौं । सेयर बजार परिसूचक नेप्सेमा मंगलबार २४.५० अंकको सुधार आएको छ। आज परिसूचक ०.९३ प्रतिशतले बढेर २६५७.७७ अंकमा पुगेको छ।
.gif)
आज कुल १ करोड ९६ लाख ८० हजार १९५ कित्ता सेयर किनबेच हुँदा ९ अर्ब ४० करोड २६ लाख रुपैयाँको कारोबार भएको छ।
तीन दिनको लगातार गिरावटपछि आज सेयर बजारमा सकारात्मक माहोल देखिएको हो। ६ वटा कम्पनी सकारात्मक सर्किट लेभलमा कारोबार भएका छन्। सबै समूहका सूचक बढेका छन्। विकास बैंक समूहमा सबैभन्दा बढी वृद्धि भएको छ।
आज ३ सय २५ कम्पनीको सेयर कारोबार भएको छ। कारोबार रकममा ३८ करोड २१ लाखभन्दा बढीसहित सप्तकोशी डेभलमेन्ट बैंक अग्रस्थानमा रहेको छ।
