काठमाडौंः यस साता नेपाली बजारमा सुनचाँदीको मूल्यमा के कति कायम रहेको छ । आइतबार देखि शुक्रबार सम्म भएको कारोबारमा समग्रमा सुन प्रतितोला ८ सयले घटेको छ । यस्तै चाँदीको मूल्य प्रतितोला ४५ रुपैयाँले बढेको छ ।
.gif)
साताको पहिलो दिनको तुलनामा कारोबार साताको तेस्रो दिन मंगलबार सुनको मुल्यमा वृद्धि भई शुक्रवार पुनः ओरालो लागेको थियो।
नेपाल सुनचाँदी व्यवसायी महासंघका अनुसार आइतबार तोलामा ४ सय रुपैयाँले घटेको सुनको मूल्य सोमबार १२ सय रुपैयाँले घटेको थियो ।
यसै गरी मंगलबार १ हजार रुपैयाँ, बुधबार १ सय रुपैयाँ, बिहीबार ३ सय रुपैयाँले बढेको थियो । साताको अन्तिम दिन शुक्रबार भने सुनको मुल्य तोलामा ६ सय रुपैयाँले घटेको थियो ।
यो साता नेपाली बजारमा चाँदीको मूल्यले भने नयाँ रेकर्ड राख्दै प्रतितोला १ हजार ८ सय ९० रुपैयाँ कायम भएको थियो । । साताको पहिलो दिन आइतबार प्रतितोला १ हजार ८४० रुपैयाँ रहेको चाँदीको मूल्य साताको अन्तिम कारोबार भएको दिन शुक्रवार भने ह्वातै बढेर प्रतितोला १ हजार ८ सय ९० रुपैयाँ कायम भएको थियो ।
कुन दिन कति थियो सुनको मूल्यः
आइतबारः १ लाख ५० हजार ५ सय रुपैयाँ
सोमबारः १ लाख ४९ हजार ३ सय रुपैयाँ
मंगलबारः १ लाख ५० हजार ३ सय रुपैयाँ
बुधबारः १ लाख ५० हजार ४ सय रुपैयाँ
बिहीबारः १ लाख ५० हजार ७ सय रुपैयाँ
शुक्रबारः १ लाख ५० हजार १ सय रुपैयाँ
