काठमाडौं, १८ कात्तिक । माया खोला हाइड्रोपावर कम्पनी लिमिटेड (MKHC) ले चालु आर्थिक वर्ष २०८३/८४ को पहिलो त्रैमासमा खुद नाफा १२४.५२ प्रतिशतले बढाएको छ।
.gif)
कम्पनीले सार्वजनिक गरेको अपरिष्कृत वित्तीय विवरणअनुसार असोज मसान्तसम्म ६ करोड ३८ लाख रुपैयाँ खुद नाफा आर्जन गरेको छ। गत आर्थिक वर्ष २०८२/८३ को सोही अवधिमा कम्पनीले २ करोड ८४ लाख रुपैयाँ खुद नाफा कमाएको थियो।
कम्पनीको नाफा वृद्धिमा विद्युत् बिक्री आम्दानीमा भएको वृद्धि र वित्तीय खर्चमा आएको कमीले मुख्य योगदान पुर्याएको देखिन्छ।
समीक्षा अवधिमा कम्पनीको विद्युत् बिक्री आम्दानी बढेर १४ करोड ७३ लाख रुपैयाँ पुगेको छ। गत आर्थिक वर्षको सोही अवधिमा यस्तो आम्दानी १३ करोड ८० लाख रुपैयाँ रहेको थियो।
त्यस्तै, कम्पनीको कुल मुनाफा १३ करोड ८७ लाख रुपैयाँ र सञ्चालन मुनाफा १३ करोड ३६ लाख रुपैयाँ कायम भएको छ।
कम्पनीको वित्तीय खर्चमा पनि उल्लेख्य कमी आएको छ। गत आर्थिक वर्षको पहिलो त्रैमासमा ५ करोड ६५ लाख रुपैयाँ रहेको वित्तीय खर्च चालु आर्थिक वर्षको सोही अवधिमा घटेर ३ करोड ५५ लाख रुपैयाँमा सीमित भएको छ।
कम्पनीको चुक्ता पुँजी १ अर्ब रुपैयाँ रहेको छ। त्यस्तै, जगेडा तथा कोषमा रहेको ऋणात्मक रकम घटेर ३२ करोड २६ लाख रुपैयाँ कायम भएको छ।
वित्तीय विवरणअनुसार कम्पनीको वार्षिकीकृत प्रतिसेयर आम्दानी (ईपीएस) बढेर २५ रुपैयाँ ५२ पैसा पुगेको छ भने प्रतिसेयर नेटवर्थ ६७ रुपैयाँ ३८ पैसा कायम भएको छ।
विद्युत् बिक्री आम्दानीमा वृद्धि र वित्तीय खर्चमा आएको कमीले माया खोला हाइड्रोपावरको नाफा तथा समग्र वित्तीय अवस्थामा सुधार देखिएको छ।
