काठमाडौं । दसैं बिदापछि सोमबारदेखि खुलेको नेपाली सेयर बजारको प्रि–ओपन सेसनमा नेपाल स्टक एक्सचेन्ज (नेप्से) परिसूचक घटेको छ। प्रि–ओपन सेसनमा नेप्से परिसूचक ३.३२ अंकले घटेर २६३०.८४ विन्दुमा झरेको हो।
.gif)
यस अवधिमा ८६ वटा कम्पनीका ९ हजार ७६२ कित्ता सेयर खरिदबिक्री भएका छन्। उक्त कारोबारबाट ३५ लाख ५१ हजार ३०९ रुपैयाँको कारोबार भएको छ।
प्रि–ओपन सेसनमा कारोबारमा आएका कम्पनीमध्ये १६ वटाको सेयर मूल्य बढेको छ भने ३४ वटा कम्पनीको सेयर मूल्य घटेको छ। बाँकी ३० वटा कम्पनीको सेयर मूल्यमा कुनै परिवर्तन आएको छैन।
दसैं बिदापछि खुलेको बजारको प्रारम्भिक कारोबारमा घट्ने कम्पनीको संख्या बढीसँगै नेप्से परिसूचक पनि नकारात्मक देखिएको छ।
