काठमाडौँ । सवारी दुर्घटना रोकथाम तथा न्यूनीकरणका लागि नेपाल प्रहरीले सम्पूर्ण सवारी चालक, यात्रु तथा सर्वसाधारणलाई ट्राफिक नियमको पूर्ण पालना गर्न हार्दिक अनुरोध गरेको छ।
.gif)
सडक दुर्घटनाबाट हुने मानवीय तथा भौतिक क्षति कम गर्न तीव्र गतिमा सवारी नचलाउन, मादक पदार्थ सेवन गरी सवारी नचलाउन, सवारी चलाउँदा मोबाइल फोन प्रयोग नगर्न तथा सवारीसाधनको अवस्था नियमित रूपमा जाँच गर्न प्रहरीले आग्रह गरेको छ।
त्यसैगरी, हेल्मेट तथा सिटबेल्टको अनिवार्य प्रयोग गर्न, क्षमताभन्दा बढी यात्रु नराख्न र सडक तथा ट्राफिक संकेतहरूको पालना गर्न प्रहरीले सबैमा अनुरोध गरेको छ।
सुरक्षित यात्रा, जिम्मेवार चालक र ट्राफिक नियमको पालना नै दुर्घटना न्यूनीकरणको प्रमुख आधार हो। आफ्नो अमूल्य जीवनको सुरक्षा गर्दै सडक सुरक्षामा सहयोग गर्न नेपाल प्रहरीले सबैलाई अपिल गरेको छ।
