काठमाडौं । नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार मंगलबार सुन प्रतितोला ३ हजार ८०० रुपैयाँले घटेर २ लाख ९० हजार ५०० रुपैयाँमा कारोबार भइरहेको छ ।सोमबार सुन प्रतितोला २ लाख ९४ हजार ३०० रुपैयाँमा कारोबार भएको थियो ।
.gif)
महासंघका अनुसार मंगलबार सुन १० ग्रामको २ लाख ४९ हजार ५५ रुपैयाँ कायम भएको छ ।त्यस्तै, चाँदीको मूल्य पनि घटेको छ । चाँदी प्रतितोला ११५ रुपैयाँले घटेर ४ हजार ३९५ रुपैयाँमा कारोबार भइरहेको छ । सोमबार चाँदी प्रतितोला ४ हजार ५१० रुपैयाँमा कारोबार भएको थियो ।मंगलबार चाँदीको १० ग्राम मूल्य ३ हजार ७६८ रुपैयाँ कायम भएको महासंघले जनाएको छ ।
