काठमाडौँ । भोटेकोशीमा आएको विनाशकारी बाढीका कारण हालसम्म १ हजार १० जनाको मृत्यु भैसकेको छ । नेपाली भूमिकै हिमपरिरोपछि चीनको तिब्बततर्फको ल्हेन्दे खोलाको बहाव अचानक बढेसँगै भदौ १० मा बाढीले भोटेकोशी र त्रिशूली नदी तटीय क्षेत्रमा ठुलो क्षति पुर्याएको छ ।बाढीका कारण रसुवा, नुवाकोट र धादिङका ३५ वटा मोटरेबल पुलमा क्षति पुगेको छ । ३२ वटा पुल बाढीले बगाएको छ । ४ हजार २४७ मानिस सम्पर्कविहीन छन् । विपद् शुरु भएको सातौँ दिनसम्म खोज, उद्धार र राहतको नेतृत्व गर्ने जिम्मेवारी लिएका गृह मन्त्रालयका महाशाखा प्रमुख नै छैनन् । विपद् तथा द्वन्द्व व्यवस्थापन महाशाखा प्रमुख सुरेश पन्थी अहिले अमेरिका भ्रमणमा छन् । गृह मन्त्रालय र मन्त्रिपरिषद्ले जुनसुकै बिदा भए पनि रद्द हुने निर्णय गरिसेको छ । तर, सहसचिव पन्थी मन्त्रालय फर्केका छैनन् ।
.gif)
विपद् तथा द्वन्द्व व्यवस्थापन महाशाखा प्रमुखको कुर्सी आजभोलि खाली छ । यत्ति ठुलो विपत्तिमा विपद् व्यवस्थापन महाशाखाका प्रमुख नै नभएको बारे गृह मन्त्रालयका प्रवक्ता आनन्द काफ्लेले भने, ‘विदेश जानुभएको छ, कता र कहिले जानुभएको हो थाहा छैन ।’मन्त्रालय स्रोतका अनुसार उनी एउटा कार्यक्रममा अमेरिका पुगेका हुन् । मन्त्रालयले बिदामा बसेकालाई फर्किन भने पनि उनी अहिलेसम्म नफर्किएका हुन् ।
