काठमाडौं । चाडपर्वलाई लक्षित गर्दै भाटभटेनी सुपरमार्केट र टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले ग्राहकका लागि विशेष योजना सार्वजनिक गरेका छन् । योजनाअन्तर्गत भाटभटेनीमा किनमेल गर्ने ग्राहकले दुईवटा नयाँ टाटा पन्च ईभी जित्ने अवसर पाउनेछन् ।योजनाअनुसार भाटभटेनीका देशभरका कुनै पनि स्टोरबाट एकपटकमा २ हजार ५०० रुपैयाँ वा सोभन्दा बढीको सामान खरिद गर्ने ग्राहक लक्की ड्रमा सहभागी हुन सक्नेछन् । खरिदको बिलका आधारमा योजनामा सहभागी हुने ग्राहकबाट लक्की ड्रमार्फत एक जना विजेता छनोट गरी नयाँ टाटा पन्च ईभी प्रदान गरिने कम्पनीले जनाएको छ ।
.gif)
त्यस्तै, भाटभटेनीमा नेपाल पे क्यूआरमार्फत भुक्तानी गर्ने ग्राहकले पनि अर्को नयाँ टाटा पन्च ईभी जित्ने अवसर पाउनेछन् । यसरी दशैं, तिहार र छठलाई लक्षित योजनामार्फत दुई जना भाग्यशाली ग्राहकले टाटा पन्च ईभी जित्न सक्नेछन् ।कम्पनीका अनुसार नयाँ टाटा पन्च ईभी आधुनिक विद्युतीय एसयूभी हो । ‘एक्टि.ईभी’ प्लेटफर्ममा आधारित यस गाडीमा ३२ किलोवाट आवर र ४० किलोवाट आवर क्षमताका दुई ब्याट्री विकल्प उपलब्ध छन् । नेपालका सडकमा गरिएको परीक्षणअनुसार एकपटक पूर्ण चार्ज गर्दा यसले ३०० देखि ३२५ किलोमिटरसम्म रेन्ज दिने कम्पनीको दाबी छ ।गाडीमा १९५ एमएम ग्राउन्ड क्लियरेन्स, ६ वटा एयरब्याग, ३६० डिग्री क्यामेरा, फास्ट चार्जिङ, भ्वाइस एक्टिभेटेड सनरुफ, २६.०३ सेन्टिमिटरको हर्मन इन्फोटेनमेन्ट सिस्टम तथा डिजिटल ककपिट, भेन्टिलेटेड सिट र ३६६ लिटरको बुट स्पेसलगायतका सुविधा रहेको कम्पनीले जनाएको छ ।
नेपालभर रहेका टाटा मोटर्सका २० वटा शोरुमसँगै भाटभटेनीका २८ वटा स्टोरमा पनि टाटा गाडीबारे जानकारी लिन सकिने कम्पनीले जनाएको छ । चाडपर्वको अवसरमा भाटभटेनीमा किनमेल गर्ने टाटा गाडीका ग्राहकले थप सरप्राइजसमेत पाउने कम्पनीको भनाइ छ ।
