काठमाडौं, २६ असार । पोखरा फाइनान्स लिमिटेड र समृद्धि फाइनान्स कम्पनी लिमिटेड एकआपसमा गाभिएपछि आज (असार २६ गते) देखि ‘पोखरा फाइनान्स लिमिटेड (PFL) को नामबाट एकीकृत कारोबार सुरु भएको छ।
.gif)
दुवै संस्थाबीचको मर्जर प्रक्रिया सम्पन्न भएसँगै एकीकृत वित्तीय सेवा सञ्चालनमा आएको हो। अब नयाँ संस्थाले ‘पोखरा फाइनान्स लिमिटेड’ को नामबाट सम्पूर्ण बैंकिङ तथा वित्तीय कारोबार सञ्चालन गर्नेछ।
उता, मर्जर प्रक्रियालाई ध्यानमा राख्दै नेपाल स्टक एक्सचेञ्ज (नेप्से) ले दुवै फाइनान्स कम्पनीको शेयर कारोबार रोक्का गरेको छ। नेप्सेले असार २५ गते जारी गरेको सूचनाअनुसार धितोपत्र दर्ता गराएका संगठित संस्था एक आपसमा गाभ्नेरगाभिने तथा प्राप्ति सम्बन्धी निर्देशिका, २०७९ को दफा ९(३) बमोजिम असार २६ गतेदेखि लागू हुने गरी शेयर कारोबार रोक्का गरिएको हो।
नेप्सेका अनुसार मर्जरसम्बन्धी सम्पूर्ण प्रक्रिया पूरा भई आवश्यक विवरण अद्यावधिक भएपछि मात्रै एकीकृत संस्थाको शेयर कारोबार पुनः सञ्चालन गरिनेछ।
