काठमाडौं । चालु आर्थिक वर्षको ११ महिनामा जीवन बीमा कम्पनीहरूले पौने २ खर्बको व्यापार गरेका छन् । चालु आवको साउनदेखि जेठ मसान्तसम्म १४ वटा जीवन बीमा कम्पनीहरूले १ खर्ब ७३ अर्ब ५० करोड रुपैयाँको नेपाल बीमा प्राधिकरणले जनाएको छ ।गत आवको सोही अवधिमा यस्तो व्यापार १ खर्ब ५४ अर्ब रुपैयाँ थियो । गत वर्षको भन्दा यस वर्ष १२.६२ प्रतिशतले व्यापार वृद्धि भएको छ ।
.gif)
सञ्चालनमा रहेका १४ वटै कम्पनीको व्यापार बढेको छ । जसमध्ये सबैभन्दा धेरै आईएमई लाइफ, सिटिजन लाइफ र रिलायबल लाइफ इन्स्योरेन्स कम्पनीको व्यापार वृद्धि भएको छ ।आइएमईको ३०.७९ प्रतिशतले बढेर ६ अर्ब १७ करोड रुपैयाँ पुगेको छ । गत वर्षको सोही अवधिमा आईएमईले ४ अर्ब ७२ करोडको व्यापार गरेको थियो । यसैगरी, सिटिजनको व्यापार २० प्रतिशतले बढेर ७ अब ५९ करोड पुगेको छ । गत वर्ष ६ अर्ब ३२ करोड थियो । त्यसैगरी, रिलायबलको १८.७२ प्रतिशतले बढेर ५ अर्ब ४१ करोड पुगको छ । गत वर्ष ४ अर्ब ५५ करोड थियो ।राष्ट्रिय जीवन बीमा कम्पनीको १७.९३, नेशनल लाइफको १७.४९, प्रभु महालक्ष्मीको १४.८८, सानीमा रिलायन्स लाइफको १२.५६ र नेपाल लाइफको १२.५३ प्रतिशतले व्यापार बढेको छ ।
नेपाल लाइफको व्यापार धेरै
यस अवधिमा सबैभन्दा धेरै व्यापार नेपाल लाइफले गरेको छ । नेपाल लाइफको व्यापार ४६ अर्ब १६ करोड पुगेको छ भने नेशनल लाइफको २२ अर्ब २१ करोड, लाइफ इन्स्योरेन्स कर्पाेरेशनको १८ अर्ब ४८ करोड, हिमालयन लाइफको १५ अर्ब ७९ करोड, राष्ट्रिय जीवन बीमा कम्पनीको १० अर्ब ६२ करोड र सूर्यज्योति लाइफको १० अर्ब ५२ करोड रुपैयाँको व्यापार भएको छ ।
