रुपन्देही । लुम्बिनी प्रदेश सभाको बैठक सोमबार दिउँसो १ बजे बस्दै छ। आठौँ अधिवेशनअन्तर्गत बस्न लागेको यो दशौँ बैठकमा आर्थिक वर्ष २०८३/०८४ को राजस्व र व्ययको वार्षिक अनुमान (बजेट) माथि सैद्धान्तिक छलफल हुने कार्यसूची तय भएको छ।
.gif)
प्रदेश सभा सचिवालयका अनुसार बैठकमा आर्थिक मामिला तथा योजनामन्त्री धनेन्द्र कार्कीले बजेटमाथि सैद्धान्तिक छलफल गरियोस् भन्ने प्रस्ताव पेस गर्नेछन्। उक्त प्रस्तावमाथि प्रदेश सभाका सदस्यहरूले आ-आफ्नो धारणा राख्नेछन्।छलफलका क्रममा सांसदहरूले उठाएका प्रश्न र जिज्ञासाको जवाफ मन्त्री कार्कीले दिने कार्यसूची रहेको सचिवालयले जनाएको छ। यसैगरी, आजको बैठकमा मन्त्री कार्कीले ‘आर्थिक वर्ष २०८३/०८४ को सेवा र कार्यका लागि प्रदेश सञ्चित कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न बनेको विधेयक’ समेत सभामा पेस गर्नेछन्।
