प्रभु महालक्ष्मी लाइफ इन्स्योरेन्स लिमिटेडले १५ लाख बढी कित्ता संस्थापक सेयर बिक्रीमा राखेको छ । कम्पनीले १५ लाख १४ हजार ९०० कित्ता संस्थापक सेयर बिक्रीमा राखेको हो । कम्पनीकै विद्यमान संस्थापक सेयरधनीले मात्रै किन्न पाउने गरी सेयर बिक्रीमा राखेको हो । उक्त सेयर खरीद गर्न चाहने इच्छुक विद्यमान संस्थापक सेयरधनीहरूले अबको ३५ दिनभित्र नेपाल बीमा प्राधिकरणले तोके बमोजिमको ‘फिट एण्ड प्रपर टेस्ट’ को मापदण्ड पूरा हुने आवश्यक कागजात सहित निवेदन दिनु पर्नेछ ।
.gif)
निवेदन काठमाडौंको कमलादीस्थित कम्पनीको केन्द्रीय कार्यालयमा दिनु पर्नेछ । निर्धारित समयभित्र विद्यमान संस्थापक सेयण्रधनीहरूबाट शेयर खरीदका लागि निवेदन प्राप्त नभएमा प्रचलित कानून र नियमबमोजिम सर्वसाधारणलाई बिक्री गर्न प्रक्रिया अघि बढाइने जनाएको छ ।
