काठमाडौँ । कालीमाटी तरकारी बजारमा गोलभेँडाको मूल्य एक दिनमै ९ प्रतिशतसम्म घटेको छ । कालीमाटी तरकारी बजार विकास समितिले सार्वजनिक गरेको मूल्य विवरणअनुसार सानो भारतीय गोलभेँडाको मूल्य ९.४१ प्रतिशतले घटेको हो ।
.gif)
मंगलबार (हिजो) प्रतिकिलो ८५ रुपैयाँ औसत मूल्य रहेको सानो भारतीय गोलभेँडा बुधबार(आज) ७७ रुपैयाँ औसत मूल्य कायम भएको छ । यस्तै सानो तराई गोलभेँडा हिजो १०५ रुपैयाँ प्रतिकिलो औसत मूल्य रहेकोमा आज ८.१९ प्रतिशतले घटेर ९६.४० रुपैयाँ औसत मूल्य रहेको छ । यस्तै लोकल सानो गोलभेँडा ५.८८ प्रतिशतले घटेर प्रतिकिलो ८० रुपैयाँ औसत मूल्य रहेको छ । हिजो लोकल सानो गोलभेँडाको मूल्य ८५ रुपैयाँ प्रतिकिलो रहेको थियो ।
भारतीय ठुलो गोलभेँडा पनि ४.३५ प्रतिशतले घटेर ११० रुपैयाँ औसत मूल्य कायम भएको छ । हिजो ११५ रुपैयाँ रहेको थियो ।यस्तै नेपाली ठुलो गोलभेँडा र सानो टनेल गोलभेँडाको मूल्य स्थिर रहेको छ ।
