काठमाडौँ । चालु आर्थिक बर्ष २०८१/८२ को पहिलो महिनामा अर्थात साउनमा नेपालले २ अर्ब १५ करोड रुपैयाँको कृषि उत्पादनको बीउ आयात गरेको छ ।
.gif)
भन्सार विभागले सार्वजनिक गरेको वैदेशिक वयापार तथ्याङ्क अनुसार चालु आर्थिक वर्ष २०८१/८२ को साउन मसान्तसम्ममा नेपालले २ अर्ब १५ करोड १५ लाख ९२ हजार रुपैयाँको बीउ आयात गरेको हो ।
चालु आर्थिक वर्षको पहिलो महिना साउनमा २३ हजार ५ सय ८३ मेट्रिक टन बीउ आयात भएको हो । टमाटर, सूर्यमुखी, उखु, प्याज, विभिन्न सजावटका फूल, तरकारी र विभिन्न खाद्यान्न बाली लगायतका बीउ आयात गरिएको हो ।
यी कृषि उपजको बीउ भारत, चीन, पाकिस्तान, टर्की, कोरिया लगायत मुलुकबाट आयात गरिएको भन्सार विभागले जनाएको छ ।
पछिल्लो पटक किसानले रैथाने बीउभन्दा आयात हाइब्रिड बीउ रुचाउन थालेका छन् । यसकारण बर्षेनी अर्बको कृषि उपजको बीउ आयात हुँदै आएको छ । गतवर्ष मात्रै २१ अर्ब ७७ करोड रुपैयाँको कृषिजन्य वस्तुको बीउ आयात भएको थियो ।
