काठमाडौँ । असोज १४, चितवन, लगातार परेको वर्षाका कारण तुइन खोलामा खसेको पहिरोले मुग्लिन–नारायणघाट सडक खण्ड पुनः अवरूद्ध भएको छ।
.gif)
सडक डिभिजन कार्यालय भरतपुरका अनुसार मंगलबार राति साढे ७ः०० बजे तुइन खोलाको पुल नजिकैको क्षेत्रमा माथिबाट लेदो खस्दा सडक पूर्ण रूपमा बन्द भएको हो।
पहिरो पन्छाउने कार्यका लागि डोजर र अन्य मेसिनहरू घटनास्थलमा पठाइएको जनाइएको छ। डिभिजनले सार्वजनिक सूचना जारी गर्दै रोकिएका सवारी साधनहरूलाई संयमता अपनाउन र लेन अनुशासन पालना गर्न आग्रह गरेको छ।
यसअघि पनि यही ठाउँमा पहिरो खसेर अन्दाजी ४५ घन्टासम्म यातायात ठप्प भएको थियो। त्यसयता पटक–पटक पहिरो खस्ने क्रम जारी रहेको र बाटो खुलाउने प्रयास लगातार भइरहे पनि जोखिम कायमै रहेको अधिकारीहरूको भनाइ छ।
मुग्लिन–नारायणघाट सडक खण्ड काठमाडौं, पोखरा र चितवन जोड्ने प्रमुख व्यापारिक मार्ग भएकाले यसको अवरोधले देशभरका यातायात र आपूर्ति प्रणालीमा असर पर्ने गर्छ।
