काठमाडौँ । भाद्र १३, धनगढी उपमहानगरपालिकाले अत्याधुनिक प्रविधि युक्त दमकल सञ्चालनमा ल्याएको छ। बुधवार आयोजित एक विशेष समारोहमा नगर प्रमुख गोपाल हमालले दमकलको औपचारिक उद्घाटन गरे।
.gif)
पाँच हजार लिटर पानी अटाउने क्षमतायुक्त उक्त दमकलमा आगलागी नियन्त्रणका लागि आवश्यक रसायन राख्ने विशेष सुविधा पनि उपलब्ध छ। नगर प्रमुख हमालका अनुसार, नगरका आठ स्थानमा फायर हाइड्रेन्ट स्थापना भइसकेको छ, जसले दमकलमा छिटो र सहज पानी भर्ने व्यवस्था सुनिश्चित गर्नेछ।
हरघडी नगर प्रहरी भन्ने नारालाई व्यवहारिक बनाउँदै उपमहानगरले विपद् व्यवस्थापनमा सुदूरपश्चिममै अग्रणी भूमिका निर्वाह गरिरहेको दाबी नगर प्रमुख हमालले गरे। उनले आगलागीको सूचना प्राप्त भएको तीन मिनेटभित्रै दमकल परिचालन हुने व्यवस्था मिलाइएको जानकारी समेत दिए।
धनगढी उपमहानगरपालिकाले नयाँ प्रविधियुक्त दमकल खरिदमा ६६ लाख रुपैयाँ खर्च गरेको जनाएको छ।
